O‘zsanoatqurilishbank o‘z mijoziga Malayziya, Tailand va Singapurga 10 kunlik sayohat uchun 2 kishilik yo‘llanma berdi


21.02.2019 09:57

O‘zsanoatqurilishbank o‘z mijoziga Malayziya, Tailand va Singapurga 10 kunlik sayohat uchun 2 kishilik yo‘llanma berdi

Nihoyat, “Bepul sayohat qil!” aksiyasi g‘olibi uchun kutilgan onlar yetib keldi!

O‘zsanoatqurilishbankning poytaxtimizdagi Mirzo-Ulug‘bek filialida aksiya g‘olibini taqdirlash marosimi tashkil etildi.

Bayram ruhida tashkil etilgan ushbu tadbirda O‘zbekiston xalq artisti Nasiba Abdullayeva ishtirok etib, g‘olib - O‘zsanoatqurilishbankning Buxoro mintaqaviy filiali mijozi Firdavs Holnazarovga Osiyo davlatlari (Malayziya, Tailand va Singapur)ga 10 kun sayohat qilish imkonini beruvchi 2 kishilik bepul yo‘llanmani taqdim qildi.

Eslatib o‘tamiz, O‘zsanoatqurilishbank tomonidan Visa International kompaniyasi hamda tourist.uz agentligi hamkorligida xalqaro va so‘mli Visa plastik kartalari egalari uchun aksiya e’lon qilingan edi.

Aksiya shartiga ko‘ra, Bankning Visa plastik kartalari foydalanuvchilari o‘z hisobidan kamida 3 marotaba 250 AQSh dollari miqdori (yoki ushbu summaning milliy valyutadagi ekvivalenti)da xaridlarni amalga oshirishlari lozim edi.

2018-yil 1-dekabrdan 2019-yil 1-fevralga qadar davom etgan aksiyada O‘zsanoatqurilishbankning jami 1034 nafar mijozi qatnashdi.

Joriy yilning 15-fevral kuni aksiya g‘olibi random.org dasturi orqali to‘g‘ridan-to‘g‘ri onlayn tarzda aniqlandi.

– Sayru sayohat jonu dilim, – deydi g‘olibimiz Firdavs Holnazarov. – Aksiyada g‘olib bo‘lib, hech qachon qalbni orzu va umidlardan mahrum qilmaslik kerakligini hamda tasavvurlarimizning ro‘yo topishi faqatgina jismoniy va moddiy imkoniyatlarga borib taqalmasligini tushunib yetdim.

– Mazkur loyiha yuzasidan biz juda ko‘p banklarga taklif bildirgandik, – deydi tourist.uz kompaniyasi rahbari Iqboloy Mirzahmedova. – Ular orasida O‘zsanoatqurilishbank birinchilardan bo‘lib tashabbus bilan chiqqan muassasadir. Buning uchun bank rahbariyatiga minnatdorchilik bildirgan holda hamkorliklikni yanada yangi bosqichda davom ettirishga umid bildirib qolamiz.

Bank Axborot xizmati






Boshqa yangiliklar

11/20/2026 05:39:16 pm
Kibergigiyena – raqamli xavfsizlik asosi

“Özsanoatqurilişbank” ATBda Ichki işlar vazirligi Kiberjinoyatlarga qarşi kuraşiş departamenti hamda “KPMG Uzbeki ...

11/19/2026 03:39:23 pm
SQB tajribasi Singapurda: Özbekiston banki xalqaro AI muloqotida

Özsanoatqurilişbank xalqaro professional hamjamiyat bilan hamkorlik va tajriba almaşiş doirasini izçil kengaytirm ...

11/19/2026 10:30:33 am
SQB kõmagida ayollar tadbirkorligini qõllab-quvvatlaş bõyiça hududiy trenerlar malakasi oşirildi

“SQB School”da ayollar tadbirkorligini qõllab-quvvatlaş dasturi (WESP) doirasida 30 nafar hududiy trener iştiroki ...


Sönggi yangilaniş sanasi: 21.02.2019 11:36  
up