Korrupsiyaga qarshi kurashish boʻyicha ishonch liniyasi

Korrupsiyaga qarshi kurashish va uning oldini olish borasida Boshqaruv raisining Murojaatnomasi:

Hurmatli hamkasblar va qadrli mijozlarimiz!

Korrupsiya nafaqat iqtisodiy taraqqiyotga, balki jamiyatda adolat va qonuniylik tamoyillariga rahna soladigan eng xavfli ijtimoiy illatlardan biri hisoblanadi. Shu bois unga qarshi kurash davlat siyosati darajasida belgilangan ustuvor yo‘nalish bo‘lib, har bir tashkilot, har bir rahbar va har bir xodimdan qat’iy mas’uliyat talab etadi.

Joriy yil 5-mart kuni Hurmatli Prezidentimiz rahbarligida o‘tkazilgan Korrupsiyaga qarshi kurashish milliy kengashi yig‘ilishida davlat va jamiyat boshqaruvida, xususan, moliya-bank tizimida shaffoflikni ta’minlash, shaxsiy javobgarlikni kuchaytirish va korrupsiyaga murosasiz munosabatni shakllantirish ustuvor vazifa sifatida alohida ta’kidlandi. Mazkur vazifalar O‘zbekiston Respublikasi Prezidentining 2025-yil 21-apreldagi “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlari to‘g‘risida”gi qarorida aniq mexanizmlar va amaliy chora-tadbirlar bilan mustahkamlab qo‘yildi.

Ushbu vazifalardan kelib chiqib, O‘zsanoatqurilishbank o‘z faoliyatini halollik, ochiqlik va qonun ustuvorligi tamoyillariga qat’iy amal qilgan holda izchil davom ettirmoqda.

Bugun bank tizimi oldida turgan asosiy maqsad moliyaviy barqarorlikni ta’minlash bilan cheklanib qolmay, jamiyat ishonchiga sazovor bo‘lgan, korrupsiyadan xoli institusional muhitni yaratishdan iborat. Shuning uchun bankda korrupsiyaga qarshi kurashish tizimi xalqaro standartlar asosida yo‘lga qo‘yilgan bo‘lib, barcha qarorlar va jarayonlarda shaxsiy manfaatlar to‘qnashuviga mutlaqo yo‘l qo‘yilmaydi.

Jumladan, bankda:

korrupsiyaga qarshi kurashish siyosati va odob-axloq kodeksi;

manfaatlar to‘qnashuvini boshqarish mexanizmlari;

korrupsiyaviy xavf-xatarlarni aniqlash va baholash tizimi;

murojaatlarni qabul qilish va himoyalangan aloqa kanallari izchil joriy etilgan va amalda qo‘llanilmoqda.

Ushbu chora-tadbirlar bank faoliyatining barcha bo‘g‘inlarida shaxsiy javobgarlikni oshirish, qaror qabul qilishda esa adolat mezonlarini ustuvor qo‘yishga xizmat qilmoqda.

Fursatdan foydalanib, men Sizlarni O‘zsanoatqurilishbank tizimida korrupsion holatlar kuzatilganda yoki shubha tug‘diruvchi va noqonuniy holatlar yuz berganida aloqa kanallarimiz orqali murojaat qilishga chaqirib qolaman.

Har bir murojaat maxfiyligi to‘liq kafolatlanadi va qonun doirasida xolis ko‘rib chiqiladi.

Maqsad va vazifalar
Ichki hujjatlar
Normativ hujjatlar
Hisobotlar
Sertifikatlar
Manfaatlar to'qnashuvi
Xodimlarni bilim va ko'nikmalarini oshirish
Sovg'alar reyestri

Oʻzsanoatqurilishbank ATB korrupsiyaning barcha turi va koʻrinishlariga qarshi!

Agar siz bank xodimlarining noqonuniy xatti-harakatlariga duch kelsangiz, shuningdek korrupsiyaga sabab boʻluvchi holatlar va shartlar haqida ogohlantirmoqchi boʻlsangiz, siz “Komplayens ishonch telefoni”ga murojaat qilishingiz mumkin. Ushbu xizmat korrupsion harakatlarning har qanday koʻrinishini oldini olishdan manfaatdor boʻlgan ham jismoniy, ham yuridik shaxslar uchun tashkil etilgan.

Komplayens ishonch telefoni oʻzi nima?

Ushbu kanal 24/7 rejimida xavfsiz va maxfiy ravishda maʼlumotlar yigʻish imkonini beradi. Turli qonunbuzarliklar toʻgʻrisidagi xabarlar Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi qonuniga muvofiq qabul qilinadi va koʻrib chiqiladi.