SQB kreditlari haqida ko'p so'raladigan savollar

Kredit olish uchun mijoz bankning yoshi, ish staji va boshqa talablarga mos bo‘lishi lozim. Kreditlar bo‘yicha to‘liq shartlar bilan www.sqb.uz saytida “Kreditlar” bo‘limida tanishishingiz mumkin. Shu yerda zarur hujjatlar ro‘yxati ham keltirilgan. Shuningdek, 1180 qisqa raqami orqali bankning tunu-kun ishlaydigan kontakt-markaziga murojaat qilishingiz mumkin.

Ha. Onlayn mikrokreditdan barcha foydalanuvchilar foydalanishi mumkin, ularning maosh kartasi qaysi bankda ochilganidan qat’i nazar. Ariza topshirish uchun SQB Mobile mobil ilovasidan foydalanishingiz mumkin.

Kredit olish uchun odatda rasmiy ish joyi talab qilinadi. Siz tanlagan kredit turiga qarab, daromad haqidagi ma’lumot oxirgi olti oylik davrni qamrab olishi kerak yoki to‘lov jadvaliga muvofiq kreditni to‘lash uchun yetarli hujjatlashtirilgan daromad manbasi bo‘lishi lozim.

Hozircha sayt orqali to‘g‘ridan-to‘g‘ri ariza topshirish funksiyasi mavjud emas. Biroq www.sqb.uz saytidagi onlayn kalkulyator orqali taxminiy kredit miqdorini hisoblab ko‘rishingiz mumkin.
Agar kredit onlayn tarzda rasmiylashtirilsa (masalan, mikrokredit), arizani SQB Mobile ilovasi orqali topshirish mumkin. Boshqa kreditlar uchun bank ofisiga murojaat etish talab etiladi.

       Annuitet to‘lovlar — har oy bir xil miqdordagi to‘lovlar bo‘lib, foiz va asosiy qarzning bir qismini o‘z ichiga oladi. Byudjetni rejalashtirishda qulay.

• Differensial to‘lovlar — oyma-oy to‘lov miqdori kamayib boradi. Bu usulda asosiy qarz butun muddatga teng taqsimlanadi, foiz esa qolgan qarz qoldig‘iga qarab hisoblanadi.

Ha, avtokredit rasmiylashtirilganda sug‘urta polisining qiymatini kredit summasiga qo‘shish mumkin. Rasmiy dilerlardan avtomobil sotib olayotganda bir yillik sug‘urta polisini sovg‘a sifatida olish imkoniyati mavjud — bu haqda rasmiylashtirishda aniqlashtiring.

Ha. SQB yangi avtomobillar bilan bir qatorda foydalanilgan (bozor) avtomobillar uchun ham avtokreditlar taqdim etadi.

Avtomobillarning taxminiy narxini www.sqb.uz saytidagi onlayn kalkulyator orqali hisoblab chiqish mumkin. Aniq narxlar esa avtosalon yoki rasmiy dilerlar tomonidan taqdim etiladi.

Avtokredit rasmiylashtirilgan mijoz bilan avtosalon (diler) o‘rtasida oldi-sotdi shartnomasi tuziladi. Bank kredit mablag‘ini to‘g‘ridan-to‘g‘ri avtomobil sotuvchisiga o‘tkazadi.