SQB “Kelajak tadbirkori – 2026” kasb ko‘rgazmasida ishtirok etdi

29.09.2026 12:50


Mirzo Ulug‘bek nomidagi O‘zbekiston Milliy universiteti hududida talaba yoshlar va ishsiz fuqarolar bandligini ta’minlash hamda ularning biznes tashabbuslarini qo‘llab-quvvatlashga qaratilgan “Kelajak tadbirkori – 2026” yirik kasb ko‘rgazmasi bo‘lib o‘tdi. O‘zbekiston Respublikasi Markaziy banki, Oliy ta’lim, fan va innovatsiyalar vazirligi hamda qator vazirlik va idoralar hamkorligida tashkil etilgan ushbu karyera yarmarkasida SQB vakillari ham faol ishtirok etdi. Tadbir davomida bank mutaxassislari tomonidan ishtirokchilarga tizimdagi mavjud bo‘sh ish o‘rinlari, zamonaviy moliya bozori talablari hamda yosh kadrlar uchun yaratilgan imkoniyatlar haqida umumiy ma’lumotlar berildi. Bu kabi tadbirlarda ishtirok etish bankning oliy ta’lim muassasalari bilan hamkorligini mustahkamlashga va yosh mutaxassislarni qo‘llab-quvvatlashga xizmat qiladi.

Boshqa yangiliklar