“Oʻzsanoatqurilishbank” ATB rasmiy munosabati

Ijtimoiy tarmoqlarda “Oʻzsanoatqurilishbank” ATB rahbariyati tarkibidagi oʻzgarishlar yuzasidan turlicha talqinlar bildirilayotgani munosabati bilan quyidagilarni maʼlum qilamiz:

Joriy yilning 6-may kuni amaldagi qonunchilik talablariga muvofiq Korporativ axborot yagona portalida “Qimmatli qogʻozlar bozorida axborot taqdim etish va eʼlon qilish qoidalari” asosida 8-muhim fakt oshkor qilindi. Mazkur axborotda Bank Kuzatuv kengashining tegishli qaroriga muvofiq rahbariyat tarkibiga oid tashkiliy oʻzgarishlar aks ettirilgan.

Xususan, unga koʻra, Yakubov Shuhrat Israilovichning Bank Boshqaruvi aʼzosi sifatidagi vakolatlarini tugatish hamda uni Bank Boshqaruvi raisining xususiylashtirish jarayonlarini boshqarish va muvofiqlashtirish masalalari boʻyicha maslahatchisi lavozimiga oʻtkazish nazarda tutilgan.

Shu bilan birga, Hakimov Abdurashid Baxrom oʻgʻlining Bank Boshqaruvi raisi oʻrinbosari – Boshqaruv aʼzosi lavozimiga nomzodi qonunchilikka muvofiq rasmiylashtirilmoqda.

Taʼkidlash joizki, aksiyadorlik tijorat banklari rahbariyati tarkibiga oid tayinlov va kelishuv jarayonlari bir necha bosqichda amalga oshiriladi hamda vakolatli organlar bilan kelishuv asosida yakunlanadi.

Ayni paytda rahbariyat faoliyati belgilangan tartibda davom etmoqda.

Barcha tashkiliy va huquqiy jarayonlar toʻliq yakunlanganidan soʻng, tegishli maʼlumotlar bankning rasmiy axborot resurslari orqali qoʻshimcha ravishda eʼlon qilinadi.

Orqaga qaytish

19

Boshqa yangiliklar