Working Capital

  • Kredit shartlari
  • Asosiy xujjatlar


Mijoz

korporativ mijozlar (neft va gaz, kimyo, energetika, transport va metallurgiya va boshqa tarmoq mijozlari)

 

Maqsadi

ochiq/yopiq kredit liniyasi orqali aylanma mablagʻlarni toʻldirish uchun


Valyutasi

USZ, USD, EUR, RUB 


Kredit manbaasi

bank o‘z mablag‘lari va jalb qilingan mablag‘lar. Bunda kredit muddati va qaytarilishi kredit manbasining muddati va qaytarilishiga mutanosib bo‘lishi lozim


Muddati

ochiq liniya boʻlganda -36 oy muddatgacha bosh kelishuvga asosan, har bir liniya alohida individual shartnomaga asosan 12 oygacha ajratiladi

yopiq liniya boʻlganda - 12 oy muddatgacha

Foiz miqdori


Bankning oʻz mablagʻlari hisobidan

bank tizimida kredit va unga tenglashtirilgan operatsiyalarning foiz stavkalarini belgilash boʻyicha Boshqaruv qarorida aylanma mablagʻlar uchun oʻrnatilgan miqdorda


Jalb qilingan mablagʻlar hisobidan

jalb qilingan moliya instituti shartlari + bank marjasi (Bank tizimida kredit va unga tenglashtirilgan operatsiyalarning foiz stavkalarini belgilash boʻyicha Boshqaruv qarorida koʻrsatilgan miqdorda)

 

Qatʼiy yoki oʻzgaruvchan, hisoblash shartlari

qatʼiy yoki oʻzgaruvchan (foiz stavkasi tuzilgan shartnomalarda oʻzgaruvchan etib belgilangan boʻlsa – Libor, Euribor va boshqa oʻzgaruvchan foiz stavkalarga bogʻlangan holatlarda), foizlar har kuni hisoblanib, belgilangan grafik boʻyicha soʻndiriladi

 

Kreditni qaytarish grafigi va davriyligi

har bir loyiha xususiyatidan va mijoz arizasidan kelib chiqib kreditni qaytarish grafigi va imtiyozli davr (bunda imtiyozli davr kredit muddatidan 1/3 qismdan oshmasligi lozim) oʻrnatiladi. 
Bunda bank oʻz mablagʻlari hisobidan ajratilgan kreditlar boʻyicha kreditni toʻlash davriyligi imtiyozli davrdan soʻng har 3 oydan koʻp boʻlmagan oraliqda oʻrnatilishi lozim.
Jalb qilingan mablagʻlar hisobidan moliyalashtirilgan loyihalarda resursni taqdim etuvchi moliya instituti shartlariga asosan oʻrnatiladi.

Asosiy talablar


Mijoz faoliyati

davlat ro‘yxatidan o‘tganiga bir yildan oshgan mijozlar 


Mijoz hisobraqami

asosiy va ikkilamchi


Moliyaviy natijalar to‘g‘risida xisobot bo‘yicha foyda mavjudligi

ijobiy


Kredit reytingi (layoqatliligi)

“Oʻzsanoatqurilishbank” ATB tizimida risklarni boshqarish ishlarini tashkil etish Tartibiga asosan skoring tahlil tizimi boʻyicha CC reytingdan kam boʻlmagan holda


Mavjud kredit va unga tenglashtirilgan operatsiyalar boʻyicha qarzdorligi

barcha tijorat banklari oldida muddati oʻtgan qarzdorligi va “qoniqarsiz”, “shubhali”, “umidsiz” toifalarida tasniflangan kreditlari mavjud boʻlmasligi


Soʻnggi 12 oy ichida asosiy qarzdorlik oydan oyga oʻtganlik holatlar soni

“Oʻzsanoatqurilishbank” ATB tizimida 5 tadan koʻp boʻlmagan holatda


Mahsulot boʻyicha taʼminot jami qiymati kredit summasining kamida 125%ini (bankga aloqador shaxslar uchun 130%) taʼminlashi zarur


Mulkiy taʼminot

koʻchmas mulk, avtotransport vositalari, maxsus texnikalar, mulkiy huquqlar,  qimmatbaho metallar, qimmatli qogʻozlar, omborxonadagi tayyor mahsulotlar va mulkiy toifaga kiradigan boshqa mulklar


Qabul qilinadigan mulkiy garov turlari va ushbu garov boʻyicha qoʻyiladigan shartlar

koʻchmas mulk - har qanday; 
avtotransport vositalari - ishlab chiqarilganiga 5 yildan oshmagan;
maxsus texnikalar - ishlab chiqarilganiga 3 yildan oshmagan; uskunalar - ishlab chiqarilganiga 3 yildan oshmagan


Nomulkiy taʼminot

kredit summasining 125% dan kam boʻlmagan miqdorda korporativ mijozlarning kafilligi va/yoki kelajakdagi pul tushumlari garovi (Boshqaruv qarori bilan) va/yoki boshqa nomulkiy taʼminotlar, sugʻurta polisi, jamgʻarma kafilligi

Taʼminot sifatida kafillik taqdim etilganda: kafil korxona davlat roʻyxatidan oʻtganiga bir yildan oshgan korporativ mijoz boʻlishi, kafillik summasi kafil korxona oʻz mablagʻlari manbalari (balans hisoboti -480 satr) miqdorining 1,5 barobaridan oshmagan miqdorda boʻlishi, Kafilning kredit reytingi (layoqatliligi) CC reytingdan kam boʻlmasligi lozim.

Kelajakdagi pul tushumlari garovi taqdim etilganda:

Pul tushumi kutilayotgan shartnomalar summasi - kredit summasining 1,5 barobaridan ortiq boʻlishi va shartnomalar amal qilish muddati  kredit muddatidan kam boʻlmasligi lozim (mazkur meʼzonlar asoslovchi hujjatlar asosida aniqlanadi)


Mijozdan talab qilinadigan asosiy xujjatlar roʻyxati:

1. Ariza.

2. Mijozning taʼsis xujjatlari va unga kiritilgan soʻngi oʻzgarishlar.

3. Mijozning taqdim qilgan tegishli davlat soliq inspeksiyasiga oxirgi hisobot davri uchun buxgalteriya balansi (1-son shakl), moliyaviy natijalar toʻgʻrisida hisobot (2-son shakl), debitor-kreditor qarzdorliklari yoyilmasi. 

4. Boshqa banklardagi hisob raqamlarining (barcha hisobraqamlari, jumladan kredit va kartoteka) oxirgi bir yillik aylanmasi va qoldiqlari toʻgʻrisida maʼlumot (agar mavjud boʻlsa).

5. Mijozning vakolatli organining amaldagi qonun hujjatlarida belgilangan tartibda rasmiylashtirilgan kredit olish yuzasidan roziligi. 

6. Qarzdor nomidan ustav/nizom asosida harakat qiluvchi vakolatli rahbari yoki uning nomidan harakat qiluvchi ishonchli vakilining  kredit shartnomasini imzolash vakolatini tasdiqlovchi hujjatlar (buyruq, ishonchnoma va h.k.).

7. Sotib oluvchi bilan mahsulot yetkazib berish boʻyicha tuzilgan shartnomalar nusxasi.

8. Kredit ajratish yuzasidan belgilangan tartibda tasdiqlangan biznes reja.

Taʼminot sifatida kafillik taqdim etilganda: 

1. Kafil korxona taʼsis xujjatlari; 

2. Kafil korxonaning boshqa banklardagi hisob raqamlarining (barcha hisobraqamlari, jumladan kredit va kartoteka) oxirgi bir yillik aylanmasi va qoldiqlari toʻgʻrisida maʼlumot; 

3. Kafil va/yoki uning nomidan ustav/nizom asosida harakat qiluvchi vakolatli rahbari yoki uning nomidan harakat qiluvchi ishonchli vakilining  kafillik shartnomasini imzolash vakolatini tasdiqlovchi hujjatlar (buyruq, ishonchnoma va h.k.); 

4. Kafil korxona direktori va bosh buxgalterining pasport nusxasi;  

5. Kafillik taqdim etish boʻyicha kafilning vakolatli organining  ijobiy roziligi;  

6. Kafil korxonaning taqdim qilgan tegishli davlat soliq inspeksiyasiga oxirgi hisobot davri uchun buxgalteriya balansi (1-son shakl), moliyaviy natijalar toʻgʻrisida hisobot  (2-son shakl).


Kredit ta'minoti sifatida mulk taqdim etilganda:

1. Mustaqil baholovchi tashkilotning amaldagi qonun hujjatlariga asosan rasmiylashtirilgan hisoboti;
2. Mulk egasining ta'sis xujjatlari (ta'sis shartnomasi, Nizom va ustav – agar mulk 3-shaxsga tegishli bo'lsa);
3. Mulk egasi ta'sischilarining kreditning ta'minoti sifatida mulkni garovga berish yuzasidan amaldagi qonun hujjatlarida belgilangan tartibda rasmiylashtirilgan roziligi (agar mulk 3-shaxsga tegishli bo'lsa).

4. Mulkning egalik huquqini tasdiqlovchi hujjat (bunda turar uy-joy yoki kvartiralar uchun mazkur joyda fuqarolarning roʻyxatda turmasligini tasdiqlovchi hujjat birga taqdim etiladi). 

Taʼminot sifatida ombordagi tayyor mahsulotlar taqdim etilganda: 

1. Omborga kirim qilingan mahsulotlar nomlari va narxlar koʻrsatilgan va uning omborxonada mavjudligini koʻrsatuvchi maʼlumotnoma;

 Kelajakdagi pul tushumlari garovi taqdim etilganda: 

1. Pul mablagʻlari kelib tushadigan shartnomalar nusxalari; 

2. Ular boʻyicha oʻzaro qarzdorlikni solishtirish dalolatnomasi – akt-sverka.

 Loyiha xususiyatidan kelib chiqib qoʻshimcha xujjatlar soʻralishi mumkin.


Oxirgi yangilanish sanasi: 20.05.2021 15:32  
up