ONLAYN FAKTORING

Qarz oluvchiga (debitorga) qo‘yiladigan talablar

1. Asosiy yoki ikkilamchi hisob raqamining mavjudligi “O‘zsanoatqurilishbank” ATB tizimida (korporativ biznes sub’yektlaridan tashqari).

   • Ikkilamchi hisob raqamidan foydalanilgan taqdirda, faktoring ajratishda mahsulot pasportining 11-bandida belgilangan diskont stavkasiga har bir oy uchun 0,5 foiz qo‘shiladi.

   • Boshqa banklardan jalb qilingan mijozlarda limit o‘rnatilgandan so‘ng, asosiy yoki ikkilamchi hisob raqamini “O‘zsanoatqurilishbank” ATB tizimiga o‘tkazish mumkin.

2. Kichik va o‘rta biznes segmenti mijozlari uchun davlat ro‘yxatidan o‘tganiga kamida 12 oy bo‘lishi shart (korporativ biznes sub’yektlariga tatbiq etilmaydi).

3. So‘nggi 1 yil davomida kamida 9 oy mobaynida bank hisobvaraqlariga faoliyatidan tushumlar kelib tushgan bo‘lishi kerak (murojaat qilishdan oldingi oyning tushumlari majburiy hisoblanadi). Ushbu talab korporativ biznes sub’yektlariga tatbiq etilmaydi.

4. “O‘zsanoatqurilishbank” ATB tizimidagi amaldagi kreditlari bo‘yicha asosiy qarz yoki foizlar bo‘yicha kechiktirilgan to‘lovlar mavjud bo‘lmasligi kerak.

5. “Kartoteka-2” hisobida qarzdorlik mavjud bo‘lmasligi kerak.
   (Agar asosiy yoki ikkilamchi hisob boshqa bankda bo‘lsa, K-2 bo‘yicha qarzdorlik yo‘qligi to‘g‘risida ma’lumotnoma taqdim etilishi lozim.)

6. Moliyaviy hisobot (2-shakl) foyda bilan yakunlangan bo‘lishi kerak.

7. Mijozning o‘z aylanma mablag‘lari musbat qiymatda bo‘lishi kerak.

8. Amaldagi kreditlar va shunga tenglashtirilgan operatsiyalar bo‘yicha muddati o‘tgan qarzdorlik mavjud bo‘lmasligi kerak.

9. So‘nggi 5 yil ichidagi kredit tarixiga ko‘ra:

   • 30 kundan ortiq kechikishlar — ko‘pi bilan 5 ta holat;

   • 60 kundan ortiq kechikishlar — ko‘pi bilan 3 ta holat;

   • 90 kundan ortiq kechikishlar — bo‘lmasligi shart.

10. “O‘zsanoatqurilishbank” ATB tizimidagi amaldagi kreditlar bo‘yicha asosiy qarz to‘lovlarini (oraliq yoki yakuniy) uzaytirish bir martadan ko‘p bo‘lmasligi kerak.

11. “O‘zsanoatqurilishbank” ATB tizimidagi amaldagi kreditlar bo‘yicha hisoblangan foizlarni to‘lash muddatini uzaytirish bir martadan ko‘p bo‘lmasligi kerak.

12. So‘nggi 3 yil ichida (qarz oluvchi kafil sifatida qatnashgan holatlar ham qo‘shib hisoblanadi) iqtisodiy sud tomonidan qisman yoki to‘liq qanoatlantirilgan da’volar bo‘lmasligi kerak.

13. Qarz oluvchi korxonaning oxirgi 12 oy davomida ta’sischilar tarkibi o‘zgarmagan bo‘lishi lozim. Istisno: eski ta’sischilar ulushi 51%dan kam bo‘lmagan holda yangi ta’sischilar qo‘shilishi mumkin. Tekshiruv Bank dasturiy ta’minotiga integratsiya qilingan servis orqali onlayn ravishda amalga oshiriladi.

Talab etiladigan hujjatlar

Debitordan:

• Faktoring limiti o‘rnatish bo‘yicha ariza.

• Buxgalteriya balansi (1-shakl), moliyaviy natijalar to‘g‘risidagi hisobot (2-shakl), QQS hisobotlari yoki QQS to‘lovchisi bo‘lmaganlar uchun moliyaviy natijalar to‘g‘risidagi ma’lumotnoma (so‘nggi hisobot davri uchun). Agar ma’lumotlar bank tizimida mavjud bo‘lsa — taqdim etish talab qilinmaydi.

• Bankka to‘lov talabnomalarini taqdim etishga rozilik xati.

Yetkazib beruvchidan (kreditordan):

• Tovar/mahsulot yetkazib berish yoki xizmat ko‘rsatish bo‘yicha shartnomalar nusxalari.

• Har ikki tomon imzolagan solishtirma dalolatnoma (akt sverka).

• Hisob-faktura.

Barcha hujjatlar platformaga yuklanadi va elektron raqamli imzo orqali tasdiqlanadi.