Tadbirlar

SQB: Korrupsiyaga qarshi kurashda amaliy bilim va yondashuvlar mustahkamlanmoqda

06.05.2025 09:21


Korrupsiyaga qarshi kurashish davlat siyosatining muhim yo‘nalishlaridan biri hisoblanadi. Shu bois SQBning Korrupsiyaga qarshi kurashish xizmati tashabbusi bilan bankning tarkibiy bo‘linmalari va hududiy filiallari xodimlari uchun o‘quv-treninglar o‘tkazilmoqda.

Navbatdagi seminar Green banking departamenti va bankning 1-bo‘limi xodimlari ishtirokida tashkil etildi. Unda korrupsion xavflarni aniqlash va ularning oldini olish, shuningdek, mas’uliyatli xizmat yuritish bo‘yicha xalqaro tajriba asosida tayyorlangan nazariy va amaliy materiallar ishtirokchilar e’tiboriga havola qilindi.

Bundan tashqari manfaatlar to‘qnashuvi, xodim va mijoz o‘rtasidagi sovg‘a-salom almashish bilan bog‘liq cheklovlar, axloqiy tamoyillar hamda tashkilot ichki siyosatiga oid asosiy talablar haqida atroflicha tushuntirishlar berildi.

Tadbir yakunida mavzu yuzasidan xodimlarning bilim darajasini baholash maqsadida test sinovi o‘tkazilib, o‘zlashtirish ko‘rsatkichlari tahlil qilindi. Bu esa olingan bilimlarni mustahkamlash va kelgusidagi malaka oshirish jarayonlarini takomillashtirishda muhim ahamiyat kasb etadi. 

Bank Axborot xizmati

Другие новости