Davlat dasturlari ijrosi

Tadbirkorlar muammolari – amaliy yechimlar markazida

22.07.2026 17:57

Oʻzbekiston Respublikasi Prezidenti tomonidan tadbirkorlar bilan oʻtkazilishi rejalashtirilgan ochiq muloqotga tayyorgarlik izchil davom ettirilmoqda. Oʻzsanoatqurilishbank rahbariyati hududlarda tadbirkorlar bilan bevosita uchrashuvlar oʻtkazib, ularni qiynayotgan masalalarni joyida oʻrganish va amaliy yechim topishga alohida eʼtibor qaratmoqda.

Ochiq muloqotlar izchil tashkil etilib, tadbirkorlarning murojaat va takliflari tinglanmoqda. Biznesni rivojlantirishga toʻsqinlik qilayotgan masalalarni bartaraf etish yuzasidan zarur choralar koʻrilmoqda.

Navbatdagi ochiq muloqot Surxondaryo viloyatida faoliyat yuritayotgan tadbirkorlar ishtirokida boʻlib oʻtdi. Uchrashuv davomida hududdagi tadbirkorlik subyektlarini moliyaviy qoʻllab-quvvatlash, investitsiya loyihalarini amalga oshirish, kreditlash jarayonlari, eksport salohiyatini kengaytirish hamda biznes faoliyatida uchrayotgan dolzarb masalalar muhokama qilindi.

Tadbirkorlar tomonidan bildirilgan murojaat va takliflar bank rahbariyati hamda mutasaddi masʼullar ishtirokida batafsil koʻrib chiqildi. Ayrim masalalar yuzasidan joyida amaliy yechimlar ishlab chiqilib, qoʻshimcha oʻrganishni talab etadigan murojaatlar ijroga olinib, ularning oʻz vaqtida hal etilishi boʻyicha masʼullarga tegishli topshiriqlar berildi.

Oʻzsanoatqurilishbank bundan buyon ham tadbirkorlar bilan ochiq va konstruktiv muloqotni izchil davom ettirib, ularning tashabbuslarini qoʻllab-quvvatlash hamda biznesni rivojlantirish uchun qulay moliyaviy xizmatlarni takomillashtirishga ustuvor ahamiyat qaratadi. 

Другие новости