Toshkent viloyati Ijroni boshqarish va rivojlantirishni tahlil qilish departamentining tarmoqda ijro nazoratini muvofiqlashtirish guruhi kichik menejeri lavozimiga tashqi tanlov asosida nomzodlarni taklif qiladi.
15.07.2026 12:17
Ijro intizomi, hujjatlar aylanishi va bank jarayonlarini muvofiqlashtirish yo‘nalishida o‘z faoliyatini rivojlantirmoqchi bo‘lgan mas’uliyatli va tashabbuskor mutaxassislarni jamoamizga taklif qilamiz.
Asosiy vazifalar:
• Bank bo‘linmalarida ijro intizomini tashkil etish va nazorat qilish.
• Bank rahbariyati, Markaziy bank, davlat organlari va yuqori turuvchi tashkilotlar topshiriqlarining o‘z vaqtida bajarilishini nazorat qilish.
• EHA tizimida kiruvchi hujjatlarni ro‘yxatdan o‘tkazish, ijrochilar o‘rtasida taqsimlash hamda ijro muddatlarini nazorat qilish.
• Bank ofislari va bank xizmatlari markazlarida ijro nazorati bo‘yicha ishlarni muvofiqlashtirish.
• Jismoniy va yuridik shaxslarning murojaatlarini O‘zbekiston Respublikasi qonunchiligiga muvofiq ko‘rib chiqish.
• Prezident virtual qabulxonasi, Xalq qabulxonalari va boshqa davlat elektron platformalari orqali kelib tushgan murojaatlarni ro‘yxatdan o‘tkazish va kuzatib borish.
• Ijro intizomi bo‘yicha tahliliy, statistik va hisobot ma’lumotlarini tayyorlash.
• Rahbariyatning shaxsiy va sayyor qabullarini tashkil etish hamda tegishli hujjatlarni yuritish.
• Bank bo‘linmalarida arxiv ishlari va hujjatlar nomenklaturasining yuritilishini nazorat qilish.
• Tarkibiy bo‘linmalar bilan topshiriqlar ijrosi va ichki reglamentlarga rioya etilishi bo‘yicha hamkorlik qilish.
Talablar:
• Oliy ma’lumot.
• Bank tizimida kamida 1 yillik ish tajribasi.
• O‘zbekiston Respublikasi qonunchiligini hujjatlar aylanishi, ijro intizomi hamda jismoniy va yuridik shaxslar murojaatlarini ko‘rib chiqish yo‘nalishida bilish.
• Elektron hujjat aylanishi tizimlari bilan ishlash tajribasi ustunlik beradi.
• Microsoft Office (Word, Excel, Outlook) dasturlarini yaxshi bilish.
• O‘zbek tilini erkin, rus tilini yaxshi darajada bilish.
Rezyumelarni: hr@sqb.uz manziliga 17.07.2026ga qadar yuborishingiz mumkin.
Go back 
162
07/24/2026 04:49:40 pm
SQB Aholini moliyaviy qo‘llab-quvvatlash va tadbirkorlikka jalb etish departamenti Mahalla bankiri lavozimiga tanlov asosida nomzodlarni taklif etadi. Biz aholining tadbirkorlik salohiyatini rivojlantirish, yangi biznes tashabbuslarini qo‘llab-quvvatlash va bank xizmatla ...
07/24/2026 04:46:35 pm
SQB Undiruv markazi Mintaqaviy undiruv strategiyalarini bajarilishini hamda natijadorligini taʼminlash xizmati katta menejeri lavozimiga tashqi tanlov asosida nomzodlarni taklif qiladi. Muammoli kreditlar bilan ishlash, undiruv strategiyalarini ishlab chiqish va hududiy tarmoqlar faoliyatini muvofiqlashti ...
07/24/2026 04:45:26 pm
SQB O‘rta biznes markazi Yuridik shaxslarga xizmat ko‘rsatish guruhi menejeri lavozimiga tashqi tanlov asosida nomzodlarni taklif qiladi. Yuridik shaxslar bilan ishlash, zamonaviy bank mahsulotlarini taklif etish va mijozlarga yuqori sifatli xizmat ko‘rsatis ...
Last updated date: 15.07.2026 12:18
