«AYLANMAGA KREDIT»

15 000 000 USD ekvivalenti

Kreditning maksimal miqdori

36 oygacha

Kredit muddati

9 oygacha

Imtiyoz muddati

UZS, EUR, RUB, USD

Kredit valyutasi

Mikro-, kichik va oʻrta biznes uchun

Kimga to'g'ri keladi

24% dan

Kredit stavkasi milliy valyutada

Kreditni qanday olish mumkin

O‘zingizga yaqin bo‘lgan Bank ofisini tanlang

Kerakli hujjatlar to‘plamini yig‘ing

Kredit taqdim etish bo‘yicha qarorni kuting. Bankning ijobiy qarori chiqqanda, hujjatlarga imzo chekasiz va biz pullarni yetqazib beruvchi hisob raqamiga o‘tkazib beramiz

KREDITLASHNING ASOSIY SHARTLARI

Mahsulotning maqsadi	-ochiq/yopiq kredit liniyasi orqali aylanma mablagʻlarni toʻldirish; -ish haqi va unga tenglashtirilgan toʻlovlar uchun; -kredit qarzdorliklari qoldigʻini sotib olish; -bojxona toʻlovlari uchun.
Valyuta	Xorijiy valyuta (AQSh doll., Yevro, Rubl) Milliy valyuta (So‘m)
Miqdori	15 000 000 AQSh dollari ekvivalentigacha
Muddati	Bank oʻz mablagʻlari xisobidan - 36 oy muddatgacha Kredit qarzdorliklari qoldigʻini sotib olish – dastlabki kreditor bilan tuzilgan shartnomadagi kreditlash shartlari oʻzgartirilmagan holda
Imtiyozli davr	9 oygacha
Foiz stavkasi	Milliy valyutada- 24% dan boshlab Xorijiy valyutada- 11% dan boshlab
Mahsulot bo‘yicha ta'minot	Kredit summasining 125% dan kam bo‘lmagan miqdorda
Mulkiy garov	-Bankda oʻrnatilgan talablar asosida koʻchmas mulklar -Avtotransport vositalari – ishlab chiqarilganiga 5 yildan oshmagan -Maxsus texnikalar – ishlab chiqarilganiga 3 yildan oshmagan -Uskunalar – ishlab chiqarilganiga 3 yildan oshmagan (Bunda, hisoblash jarayonida ishlab chiqarilgan yili birinchi yil hisoblanadi) -Pul mablagʻlari Ombordagi mahsulotlar (Ushbu taʼminot turi kredit summasining 25%idan oshmagan miqdorda hamda kredit mablagʻlari 12 oy muddatgacha ajratiladigan holatlarda qabul qilinadi, bunda qarz oluvchining kredit yuklamasi koʻrsatkichi 50%dan koʻp boʻlmasligi lozim)
Nomulkiy ta'minot	Uchinchi yuridik shaxslar kafilligi va/yoki kredit qaytarilmaslik xatari sug‘urta polisi va/yoki Tadbirkorlik faoliyatini qo‘llab-quvvatlash davlat jamg‘armasi kafilligi va/yoki boshqa turdagi ta'minotlar.

Yopish

Mijozga qo‘yiladigan asosiy talablar

1. Ustav fondi taʼsischilar tomonidan toʻliq shakllantirilgan boʻlishi;

2. Qarz oluvchi kredit yuklamasi 19 bandda belgilangandan oshiq boʻlmasligi;
Agarda qarz oluvchi kredit yuklamasi 19 bandda belgilangandan yuqori boʻlsa, kredit taʼminoti sifatida yuridik shaxs kafilligi olinadi. Ushbu holatda kafil korxonaga qoʻyiladigan talablar: - Kafil korxonalar soni 2 tadan koʻp boʻlmasligi; - Qarz oluvchi va kafil korxona(lar)ning birgalikdagi kredit yuklamasi 19 bandda belgilangandan oshmasligi lozim; - Kafillik summasi soʻralayotgan kreditning 125%dan kam boʻlmasligi lozim (agarda kafillar soni 2 ta boʻlsa, har bir kafil korxona kredit summasining 125%ga kafillik taqdim etiladi);

3. Moliyaviy natijalar toʻgʻrisida xisobot (2-son shakl) zarar bilan yakunlanmagan boʻlishi (Yuridik shaxs tashkil etmasdan faoliyat yuritayotgan tadbirkorlik subyektlari bundan mustasno);

4. Kreditga layoqatlilik koʻrsatkichlari yigʻindisi (qoplash koeffitsiyenti, likvidlilik koeffitsiyenti va mustaqillik koeffitsiyenti) - 12 balldan kam boʻlmagan miqdorda boʻlishi;

5. Oʻz aylanma mablagʻlari mavjudligi manfiy koʻrsatkichda boʻlmasligi (Yuridik shaxs tashkil etmasdan faoliyat yuritayotgan tadbirkorlik subyektlari bundan mustasno);

6. Mavjud kredit va unga tenglashtirilgan operatsiyalar boʻyicha muddati oʻtgan kredit qarzdorligi boʻlmasligi;

7. Oʻzaro aloqador korxonalarining “Oʻzsanoatqurilishbank” ATB tizimida muddati oʻtgan kredit qarzdorliklari mavjud boʻlmasligi;

8. 2-sonli kartoteka hisobvaragʻida qarzdorlik mavjud boʻlmasligi

9. KATM maʼlumotnomasiga asosan qarz oluvchining barcha tijorat banklari hamda oʻzaro aloqador korxonalarining “Oʻzsanoatqurilishbank” ATB tizimida “qoniqarsiz”, “shubhali” va “umidsiz” toifalarida tasniflangan amaldagi kreditlari mavjud boʻlmasligi;

10. Kreditlar tarixi boʻyicha ohirgi 5 yil ichida: 30+dan oshgan muddati oʻtgan qarzdorliklari 15 tadan koʻp boʻlmasligi; 60+dan oshgan muddati oʻtgan qarzdorliklari 3 tadan koʻp boʻlmasligi; 90+dan oshgan muddati oʻtgan qarzdorliklari 1 tadan koʻp boʻlmasligi;

11. Oxirgi 12 oy ichida “Oʻzsanoatqurilishbank” ATB tizimida oydan oyga oʻtgan kredit boʻyicha toʻlovlar (asosiy karz va/yoki foiz) 3-martadan koʻp boʻlmasligi;

12. “Oʻzsanoatqurilishbank” ATB tizimida bugungi kunda mavjud kreditlari yuzasidan asosiy qarzdorlik boʻyicha oraliq hamda yakuniy toʻlov muddatini uzaytirish holatlari 3 tadan koʻp boʻlmasligi;

13. “Oʻzsanoatqurilishbank” ATB tizimida bugungi kunda mavjud kreditlari yuzasidan kreditga hisoblangan foiz qarzdorligi boʻyicha toʻlov muddatini uzaytirish holatlari 2 tadan koʻp boʻlmasligi;

14. “Oʻzsanoatqurilishbank” ATB tizimida bugungi kunda mavjud kreditlari yuzasidan asosiy qarzdorlik boʻyicha shartlari qayta koʻrib chiqilgan hisobvaraqlarida qoldiq mavjud boʻlmasligi;

15. “Oʻzsanoatqurilishbank” ATB tizimida mavjud kreditlar boʻyicha muddati uzaytirilgan foiz qarzdorliklari qoldigʻi mavjud boʻlmasligi;

16. “Oʻzsanoatqurilishbank” ATB tizimida bugungi kunda mavjud kreditlari yuzasidan kollegial organ tomonidan belgilangan shartlarini bajarmaslik holatlari mavjud boʻlmasligi;

17. “Oʻzsanoatqurilishbank” ATB tizimida bugungi kunda mavjud kreditlari yuzasidan maqsadsiz ishlatilganlik holatlari mavjud boʻlmasligi lozim. Maqsadli ishlatilganlik yuzasidan tekshiruv Kreditlarni boshqarish boʻlimining maqsadli ishlatilganlik toʻgʻrisidagi dalolatnomasiga asosan amalga oshiriladi. Bunda, kreditlar boʻyicha maqsadli ishlatilganlik toʻgʻrisidagi dalolatnoma muddati yetib kelmagan, qarz oluvchi yetkazib beruvchini xizmat/mahsulot yetkazib bermaganligi uchun uni sudga bergan hamda kredit mablagʻlarini maqsadli ishlatilishini tekshirish lozim boʻlmagan mahsulotlar orqali ajratilgan kreditlar boʻyicha ushbu shart qoʻllanilmaydi;

18. Qarz oluvchining Majburiy ijro byurosi tomonidan ochilgan ijro ishi boʻyicha toʻlanishi lozim boʻlgan mablagʻ boʻlmasligi lozim;

19. Oxirgi 3 yilda kredit xizmatlari boʻyicha iqtisodiy sudda daʼvo arizalari mavjud boʻlgan va daʼvo arizasi qisman yoki toʻliq qanoatlantirilgan taqdirda soʻrovnoma koʻrib chiqilib, rad etiladi;

20. Qarz oluvchining mahsulot yetkazib beruvchi bilan imzolagan kredit mablagʻlari yoʻnalishi uchun taqdim etgan va boshqa shartnomalari boʻyicha “Oʻzsanoatqurilishbank” ATB tashqi savdo operatsiyalarining yagona elektron axborot tizimida (EEISVO) tashqi savdo shartnomalari boʻyicha muddati oʻtgan debitorlik qarzdorliklari mavjud boʻlmasligi;

21. Qarz oluvchi tomonidan kredit mablagʻlari yoʻnalishi uchun taqdim etilgan shartnomalar boʻyicha mahsulot yetkazib beruvchi va xizmat koʻrsatuvchi korxonaning faoliyat turi, sudda daʼvo arizalari mavjudligi, Majburiy ijro byurosi tomonidan ochilgan ijro ishi hamda zarur hollarda boshqa maʼlumotlari biznes menejer tomonidan oʻrganib chiqilishi lozim.

Yopish

Kerakli hujjatlar

Yuridik shaxs maqomiga ega faoliyat yuritayotgan tadbirkorlik subyektlariga:

1. Ariza

2. Qarz oluvchi korxona taʼsischilarining amaldagi qonun hujjatlarida belgilangan tartibda rasmiylashtirilgan kredit olish yuzasidan roziligi (Xususiy korxonalar va yuridik shaxs maqomiga ega boʻlmay faoliyat yuritayotgan tadbirkorlik subyektlari bundan mustasno);

3. Qarz oluvchi korxonaning (tegishli DSIga elektron shaklda taqdim etilgan) oxirgi hisobot davri uchun buxgalteriya balansi, moliyaviy natijalar toʻgʻrisida xisoboti (Bank tomonidan 1 va 2-sonli shakllar DSI maʼlumotlar bazasidan elektron olingan hollar bundan mustasno hamda moliyaviy tahlil qilmagan holda kredit ajratilishida talab etilmaydi);

4. Oxirgi davr uchun choraklik buxgalteriya balansi, moliyaviy natijalar toʻgʻrisida xisoboti (mijoz moliyaviy faoliyat davri ushbu davrni qoplamagan holatlarda hisobot oyining 1 kuniga tayyorlangan tezkor buxgalteriya balansi, moliyaviy natijalar toʻgʻrisida xisoboti);

5. Boshqa banklardagi hisobvaraq aylanmasi toʻgʻrisida maʼlumot;

6. Mahsulot sotib olish uchun mahalliy korxonalar bilan oldi-sotdi shartnomasi yoki chet el korxonalari bilan import shartnomasi nusxasi (kredit mablagʻlari naqd pulda ajratilganda talab etilmaydi) (import shartnomasida sotib oligayotgan mahsulot toʻliq tasniflangan boʻlishi hamda ularning soni, miqdori va qiymati toʻliq aks ettirilgan boʻlishi lozim);

7. Karz oluvchi korxonaning debitorlik va kreditorlik qarzdorliklari yoyilmasi;

8. Faoliyat joyi bilan bogʻliq kadastr yoki Ye-Ijara orqali tasdiqlangan ijara shartnomasi (amal qilish muddati 6 oydan kam boʻlmasligi lozim, shuningdek, Ye-Ijaradan roʻyxatga olinmaydigan holatlar va autsorsing xizmati korxonalari bundan mustasno);

9. Ish haqi toʻlovining hisob-kitobi koʻrsatilgan mijoz muxri va imzosi bilan tasdiqlangan holda taqdim etiladigan maʼlumotnoma (ish haqiga ajratiladigan kreditlar uchun).

10. Shartnoma tovar yetkazib berish zanjirida Rossiya, Belarussiya va Eron davlatlarida roʻyxatdan oʻtgan kontragentlardan biri ishtirok etganda, shartnomaning sanksiya bilan bogʻliq xatarlarini baholash yuzasidan xalqaro huquqiy reytinglarda (Champers & Partners, Legal 500 va IFLR 1000 kabi) Tier 1 / Band 1 reytingiga ega halqaro yuridik kompaniyalar ijobiy xulosasi;

Yuridik shaxs maqomiga ega boʻlmay faoliyat yuritayotgan tadbirkorlik subyektlariga:

1. Ariza

2. Karz oluvchi korxonaning boshqa banklardagi xisob raqamlari buyicha 12 oylik aylanmasi toʻgʻrisida maʼlumot (boshqa banklarda hisob raqami mavjud boʻlgan holatlarda);

3. Mahsulot sotib olish uchun mahalliy korxonalar bilan oldi-sotdi shartnomasi yoki chet el korxonalari bilan import shartnomasi nusxasi (kredit mablagʻlari naqd pulda ajratilganda talab etilmaydi);

4. Faoliyat joyi bilan bogʻliq kadastr yoki Ye-Ijara orqali tasdiqlangan ijara shartnomasi (amal qilish muddati 6 oydan kam boʻlmasligi lozim, shuningdek, Ye-Ijaradan roʻyxatga olinmaydigan holatlar va autsorsing xizmati korxonalari bundan mustasno).