Yangiliklar

Oʻzsanoatqurilishbank va “Uzcard ventures” oʻrtasida hamkorlik memorandumi imzolandi


05.06.2024 18:23

Joriy yilning 4-iyun kuni Oʻzsanoatqurilishbank va “Uzcard ventures” venchur fondi oʻrtasida hamkorlik toʻgʻrisida memorandum imzolandi.

Mamlakatimizda startap-ekotizimini rivojlantirishga davlat siyosati darajasida eʼtibor qaratilmoqda. Bu borada qulay ijtimoiy va iqtisodiy sharoitlar yaratilgan.

Oʻzsanoatqurilishbank va “Uzcard ventures” oʻrtasidagi memorandum yangi startaplarni qoʻllab-quvvatlash va yuqori texnologiyali loyihalarga sarmoya jalb qilish maqsadida imzolandi.

Bu startap loyihalar tashabbuskorlarining moliyaviy resurslardan foydalanish imkoniyatini oshirish barobarida, bank va venchur fondlardan malakali maslahat xizmatlari olishiga keng yoʻl ochadi.

Memorandumni imzolash marosimida ushbu hamkorlik Oʻzbekistonda venchur ekotizimini rivojlantirish, xususan, innovatsiyalarni moliya sektoriga integratsiya qilgan holda, startap loyihalarni jadal qoʻllab-quvvatlash, ayniqsa, yosh tadbirkorlar uchun yangi imkoniyatlar yaratishga xizmat qilishi taʼkidlandi.
 

Bank Axborot xizmati




Другие новости

16.07.2024 17:54:56
Hamkorlikdagi yangi loyihalar muhokama qilindi

O‘zsanoatqurilishbank va O‘zbekiston texnik jihatdan tartibga solish agentligi vakillari o‘rtasida qurilish mat ...

16.07.2024 09:28:57
O‘zsanoatqurilishbank lider ayollari uchun xalqaro ta’lim dasturi ish boshladi

Joriy yilning 15-iyul kuni O‘zsanoatqurilishbank va Toshkent shahridagi Singapur menejmentni rivojlantirish ins ...


Дата последнего обновления: 05.06.2024 18:23  
up