Yangiliklar

Jahon banki “yashil” loyihalarga texnik koʻmaklashadi

21.09.2023

Joriy yilning 21-sentyabr kuni Oʻzsanoatqurilishbank Bosh ofisida Jahon banki vakillari bilan uchrashuv boʻlib oʻtdi.

Uchrashuvda “Oʻzbekistonda sanoat korxonalarining energiya samaradorligini oshirish” loyihasi doirasida hamkorlikni kengaytirish, ushbu xalqaro moliya instituti tomonidan mamlakatimizga taqdim etilayotgan ijtimoiy qoʻllab-quvvatlov mablagʻlarini samarali oʻzlashtirilishini taʼminlashga qaratilgan qator masalalar muhokama qilindi.

Bu borada Oʻzsanoatqurilishbank tizimida yangi bank mahsulotlarini ishlab chiqish hamda “yashil” loyihalarga texnik koʻmak olishga kelishildi.

Taʼkidlash joiz, Jahon banki Oʻzbekiston Respublikasi Energetika vazirligi huzuridagi byudjetdan tashqari Tarmoqlararo energiyani tejash jamgʻarmasi orqali “yashil” loyihalarni moliyalashtirishni rejalashtirgan. Ushbu loyihalar doirasida 143,0 mln. dollar miqdorida pul mablagʻlarini ajratishni koʻzda tutgan.


Bank Axborot xizmati

Boshqa yangiliklar