Yangiliklar

Tabiiy pardozbop toshlar ishlab chiqarish boʻyicha ilk xalqaro sammit oʻzkazildi


07.03.2023

 Tabiiy pardozbop toshlar ishlab chiqarish boʻyicha ilk xalqaro sammit oʻzkazildi

Joriy yilning 3-7-mart kunlari poytaxtimizda Oʻzsanoatqurilishbank va “Oʻzsanoatqurilishmateriallari” uyushmasi tashabbusi bilan xalqaro Tabiiy tosh biznes sammiti boʻlib oʻtdi. Ilk bor oʻtkazilgan tadbirda oʻndan ziyod rivojlangan davlatlardan 50 ga yaqin kompaniya vakillari ishtirok etdi.

Sammit Oʻzbekistonda tabiiy pardozbop toshlar eksportini oshirish, xorijiy soha vakillari hamda ishbilarmonlarni mamlakatimizdagi investitsiya muhiti, sanoat korxonalari va konlar faoliyati bilan tanishtirish, shuningdek, oʻzaro tajriba almashish va savdo aloqalarini rivojlantirish maqsadida tashkil etildi.

Tadbir davomida tabiiy pardozbop toshlar ishlab chiqarishda jahon tajribasi, ilgʻor texnologiyalar, konlardan foydalanish, mahsulot turlari, logistika va tabiiy toshlar marketingi boʻyicha taqdimotlar namoyish etildi. Ishbilarmon doira vakillari oʻzaro fikr almashdi.

Mehmonlar sammit doirasida Sirdaryo, Navoiy va Toshkent viloyatlaridagi sanoat korxonalarida boʻlishdi.

Tabiiy pardozbop toshlar qazib olish va uni qayta ishlash boʻyicha respublikadagi yagona klaster – “Marmarobod” korxonasi faoliyati hamda Gʻazgʻon shaharchasida joylashgan konlardagi qazish jarayonlari xorijiy mutaxassislarda katta qiziqish uygʻotdi.

Bank Axborot xizmati





Другие новости

29.03.2024 09:22:27
Yaxshidan bog' qoladi

16-18 mart kunlari mamlakatimizda “Obod va fayzli mahalla - yurt ko‘rki” shiori ostida o‘tkazilgan umumxalq xayriya hash ...

28.03.2024 18:10:14
Obod yurtning obod banklari

Umumxalq hashari Oʻzsanoatqurilishbankda ham katta uyushqoqlik bilan oʻtkazilmoqda. ...

28.03.2024 18:09:23
Oʼzsanoatqurilishbankning korrupsiyaga qarshi kurashishdagi faoliyati samaradorligi tijorat banklari orasida eng yuqori deb topildi

Korrupsiyaga qarshi kurashish agentligi 2023-yil natijalari boʼyicha davlat idoralarining korrupsiyaga qarshi kurashishd ...


Дата последнего обновления: 10.03.2023 10:51  
up